தமிழ்நதி.

"பேர், பெரிய."

பேர் + அவை = பேரவை.
பேர் + ஆண்மை = பேராண்மை.
பேர் + ஆசிரியர் = பேராசிரியர்.
பேர் + ஆசை = பேராசை.
இச்சொற்களில் 'பெரிய' என்னும் பொருளை 'பேர்' என்னுஞ்சொல் தருகிறது. இச்சொற்களின் முதலெழுத்து உயிரெழுத்தாக இருப்பதைக்கவனியுங்கள். உயிரெழுத்துகளை முதலெழுத்தாகக்கொண்டுள்ள சொற்களின் உயர்தன்மையை விளக்கும்போது, நாம் 'பேர்' என்னும் முன்னொட்டை சேர்க்கவேண்டும்.

பெரிய + மனிதர் = பெரியமனிதர்.
பெரிய + குடும்பம் = பெரியகுடும்பம்.
பெரிய + புராணம் = பெரியபுராணம்.
இச்சொற்களின் உயர்தன்மையைக்குறிக்க 'பெரிய' என்னும் முன்னொட்டு பயன்படுத்தப்படுகிறது. இச்சொற்களின் முதலெழுத்துகள் ‌உயிர்மெய்யெழுத்துகளாக இருப்பதைக்கவனியுங்கள். எனவே, உயிர்மெய்யெழுத்துகளை முதலெழுத்தாகக்கொண்ட சொற்களின் உயர்தன்மையை விளக்க 'பெரிய' என்றசொல்லை நாம் பயன்படுத்தவேண்டும்.

'பெரிய' என்னும் நிலைமொழி,  மனிதர் முதலான வருமொழிகளோடு இயல்பாகப்புணர்ந்து ஒருசொல்லாகிவிடுகின்றது. இவைகளை நாம் பிரித்தெழுதக்கூடாது. இவைகளை தனித்தனிச்சொற்களாக  நினைத்து, 'பெரிய மனிதர்', 'பெரிய குடும்பம்',  எனப்பிரித்தெழுதுகிறோம். இது தவறு. இவைகளை ஒரு சொல்லாக சேர்த்தேயெழுதவேண்டும்.

தமிழாசியர் திரு இராம்முருகன் அவர்கள் தமிழிலக்கணம் பற்றிய அருமையான, எளிதில் விளங்கும்படியான பதிவுகளை "தமிழ்நதி" என்ற வலைக்காட்சியில் (youtube) வெளியிட்டுவருகிறார். அன்னாரின் ஒருபதிவின் ஒருபகுதியே, எனதுபதிவுக்கு மூலம்.

Comments

Post a Comment

Popular posts from this blog

இராச மனோகரன்

அண்ணாமலையூர்ப்புலவர் திரு. இராச மனோகரன். "விட்டிசைத்தலும் விடாதிசைத்தலும்". தமிழில் தனிச்சொற்கள் எனவும் பிணைப்புச்சொற்கள் எனவும் இருவகையுண்டு. 'வாழை' என்பது ஒரு தனிச்சொல். 'பழம்' என்பதும் அவ்வாறே. ஒரு பழம் இன்ன மரத்தினது என நாம் உணர்ந்தால், மற்றவர்க்கும் அதனையே உணர்த்த விரும்பினால், வாழையென்னும் சிறப்புச்சொல்லும், பழமென்னும் பொதுச்சொல்லும்  பகரமெய்(ப்) பெற்று புணர்ந்து  'வாழைப்பழம்' என்னும் பிணைப்புச்சொல் ஆகும். வாழைப்பழம் வாழைமரத்திற்கேயுரிய பழம் எனவும்,  அல்வாழைமரத்திலும், தண்டு, இலை முதலான சினைகளைக்குறிக்காமல், அதன் பழம் ஒன்றனையே குறிக்கும் எனவும் அறியவேண்டும். வாழைப்பழம் எனும் இப்பிணைப்புச்சொல்லை ஒலிக்கும்போது பிளவுபடாமல் தொடர்ந்து ஒலிக்கவேண்டும். இதனையே விடாதிசைத்தல் (விடாது+இசைத்தல்) என்கிறோம். இவ்வாறாக விடாதிசைப்பது மட்டுமன்று, பிளவுபடுத்தாமல் ஒரே சொல்லாகவும் எழுதவேண்டும். ஒலித்தல், எழுதுதல் இரண்டும் ஒன்றாக இருக்கவேண்டும். இலக்கணநோக்கின்படியும், பொருள்நோக்கின்படியும், ஒலிப்புமுறைப்படியும் ஒரு வல்லொற்றுத்தோன்றினால், அச்சொற்களை விடாதிசைக்கவேண்டும்...
Read more

அண்ணாமலையூர்ப்புலவர்

"தலையாய நட்பு". பத்துப்பாட்டும் எட்டுத்தொகையும் தமிழுக்குப்பெருமை சேர்ப்பன. எட்டுத்தொகை நூல்களுளொன்று புறநானூறு. புறப்பொருள் ஒழுகலாறுகளான பொருள், வீரம், ஒழுக்கம் என்பனவற்றை வெளிப்படுத்தி, மக்களை நெறிப்படுத்தும் பாடல்கள் நானூறு தொகுக்கப்பெற்றதால் 'புறநானூறு' என்னும் பெயர்பெற்றது. இதன்கண் நற்கருத்தமைந்த அணிகலணான பாடலொன்றைச்சுவைப்போம்; கடைபிடிப்போம். பாடலின் பின்னணி வருமாறு: உறையூரை தலைநகரமாகக்கொண்டு கோப்பெருஞ்சோழன் ஆண்டு வந்தான். பாண்டியநாட்டில் 'பிசிராந்தையார்' என்னும் நற்றமிழ்ப்புலவர் வாழ்ந்து வந்தார். இருவரும்  நேரில்காணாமலே நட்புறவு பூண்டிருந்தனர். யாது காரணத்தாலோ, இருவரும் ஒருவரையொருவர் நேர்காண இயலவில்லை. ஆயினும்,  உள்ளத்தால் ஒன்றி நட்பினை வளர்த்து வந்தனர்.  கோப்பெருஞ்சோழனின் இருபுதல்வர்க்கிடையே ஆட்சியுரிமைக்கான பூசல்கள் நேரிட்டன. மன்னன் மனம்வெறுத்து உயிர்நீங்க எண்ணி, வடக்கிருந்தான். தன்னாருயிர் நண்பர் பிசிராந்தையார் தன்னைக்காண வருவார் என்று உறுதிகொண்ட மன்னன், அவர்க்கு தம்மருகில் ஓரிருக்கை அமைத்தான். உள்ளுணர்வு தூண்டப்பெற்ற  பிசிராந்தையார், தன்நண்பனாம் மன்ன...
Read more

அண்ணாமலையூர்புலவர்

"கலித்தொகைப்பாடல்". அண்ணாமலையூர் புலவர் திரு. இராச மனோகரன். சங்கக்காலத்தில் எழுதப்பட்ட, பதினெண்மேற்கணக்கு நூல்களில் ஒன்றாகிய, "கற்றறிந்தார் ஏத்தும் கலித்தொகையில்" ஒரு சோற்றுப்பதமாக ஓர் இன்சுவைப்பாடலைச் சுவைப்போமா! அந்துவனார் என்னும் புலவர் இயற்றிய, நெய்தல்திணையில் தோழியின்கூற்றாக அமைந்த இப்பாடலில் அறக்கருத்துகள் செறிந்துள்ளன. மக்கள்வாழ்க்கைக்கு வேண்டிய நல்லறங்களை எடுத்தோதுவதால் இவர் "நல்லந்துவனார்" என்னும் அடைமொழியால் சிறப்பிக்கப்பட்டார். பத்தொன்பது அடிகளைக்கொண்ட இப்பாடலின், முதலைந்து அடிகள் தலைவனின் சிறப்பை உரைக்கின்றன. அடுத்த ஒன்பதடிகள் அறக்கூற்றின் வாயிலாக தலைவியுற்ற துயரை உரைக்கின்றன. இறுதி ஐந்தடிகள், தலைவியின் துயர்தீர்க்க தலைவனை விரைந்து செல்கவென வேண்டுகின்றன.  நாம் அறப்பகுதியையும் வேண்டல்பகுதியையும் காண்போம். "மாமலர் முண்டகம் ...... ................................................................. ஆற்றுதல் என்பது ஒன்று அலந்தவர்க்கு உதவுதல் போற்றுதல் என்பது புணர்ந்தாரைப் பிரியாமை பண்பு எனப்படுவது பாடு அறிந்து ஒழுகுதல் அன்பு எனப்படுவது தன்கிளை செ...
Read more